ଅସ୍ତରଙ୍ଗ:- ଆଜି ଅସ୍ତରଙ୍ଗ ବ୍ଲକ ସମ୍ମିଳନୀ କକ୍ଷରେ ଆଜି ଜିଲ୍ଲାପାଳଙ୍କ ଯୁଗ୍ମ ଜନଶୁଣାଣୀ ଅନୁଷ୍ଠିତ ହୋଇଯାଇଛି | ଅଭିଯୋଗ କରିବାକୁ ଆସିଥିବା ବ୍ୟକ୍ତିବିଶେଷ ବାହାରେ ନିଜର ନାମ ପଞ୍ଜିକରଣ କରି ଅଭିଯୋଗ କରିଥିଲେ | ମାତ୍ର ୩୬ ଟି ଅଭିଯୋଗ ଗ୍ରହଣ ହୋଇଥିଲା ବେଳେ କରି ତାକୁ ତର୍ଜମା କରିବା ସହ ଜଣ ଜଣକୁ ବ୍ୟକ୍ତିଗତ ଭାବେ ଡାକି ଅଭିଯୋଗ ଶୁଣିବା ଓ ଆବଶ୍ୟକ ସ୍ଥଳେ ସମାଧାନ ପାଇଁ ବିଭାଗୀୟ ଉପରିସ୍ଥ ଅଧିକାରୀଙ୍କୁ ଏହାକୁ ହସ୍ତାନ୍ତର କରାଯାଇଥିଲା | ଅତିରିକ୍ତ ଜିଲ୍ଲାପାଳ ପ୍ରଶାସନ ଶରତ ଚନ୍ଦ୍ର ବେହରା ଅଭିଯୋଗ ଶୁଣାଣି କରିଥିଲେ |
ଅଭିଯୋଗ ମଧ୍ୟରେ ଭତ୍ତା,ପାନୀୟ ଜଳ ସମସ୍ୟା,ଶିକ୍ଷା,ସ୍ୱାସ୍ଥ୍ୟ,ଉନ୍
ଏହି ଜନଶୁଣାଣୀ କାର୍ଯ୍ୟକ୍ରମରେ ଅସ୍ତରଙ୍ଗ ପଞ୍ଚାୟତ ସମିତି ଅଧ୍ୟକ୍ଷା ଆରତୀ ନାୟକ,ଅସ୍ତରଙ୍ଗ ବିଡ଼ିଓ ସସ୍ମିତା ବେହେରା, ନିମାପଡା ଏସ୍ଡିପିଓ ଜନାର୍ଦନ ପାଢ଼ୀ ,ଅସ୍ତରଙ୍ଗ ତହସିଲଦାର ପ୍ରିୟଙ୍କା ପ୍ରିୟଦର୍ଶିନୀ ପତି,ଜିଲ୍ଲା ଓ ବ୍ଲକସ୍ତରୀୟ ବିଭାଗର ପଦାଧିକାରୀ ଅଧିକାରୀମାନେ ଯୋଗଦେଇଥିଲେ | ସବୁଠାରୁ ବଡ଼କଥା ହେଲା ଅଭିଯୋଗ ଶୁଣାଣି କାର୍ଯ୍ୟ ସକାଳ ୭ଟାରୁ ୧୦ଟା ପର୍ଯ୍ୟନ୍ତ ହୋଇଥିଲା ବେଳେ ଏଥର ଅଭିଯୋଗ ସଂଖ୍ୟା କମିଛି |ସକାଳୁଆ ଅଫିସ୍ ,ପ୍ରବଳ ଗୁଳୁଗୁଳି , ବାରମ୍ବାର ଅଭିଯୋଗ କରି ସମାଧାନ ନହେବା, ଜନଶୁଣାଣୀରେ ଜିଲ୍ଲାପାଳ ଓ ଏସପିଙ୍କ ଅନୁପସ୍ଥିତ ଦେଖି ବହୁ ଲୋକ ଅଭିଯୋଗ କରିବାକୁ ଅନିଚ୍ଛା ପ୍ରକାଶ କରିଆସୁଛନ୍ତି | ଅଭିଯୋଗ ସମାଧାନ ହେଉ କି ନହେଉ, ଲୋକଙ୍କର ଆଶା ଜିଲ୍ଲାପାଳଙ୍କୁ ଭେଟି ନିଜର ଦୁଃଖ ଜଣାଇଲେ ଏକ ପ୍ରକାର ସାନ୍ତ୍ୱନା ମିଳିବ |କିନ୍ତୁ ଜିଲ୍ଲାପାଳଙ୍କ ଅନୁପସ୍ଥିତ ଦେଖି କେତେକ ଅଭିଯୋଗକାରୀ ମୁହଁ ଫେରାଇବା ଓ ଜନଶୁଣାଣୀ କାର୍ଯ୍ୟକ୍ରମ ଏକ ପ୍ରହାସହନରେ ପରିଣତ ହୋଇଛି ବୋଲି କେତେକ କୁହନ୍ତି |