ନୂଆଦିଲ୍ଲୀ,: ସୁନାର ମୂଲ୍ୟ କ\’ଣ ସତରେ ୫୫,୦୦୦ ଟଙ୍କାରେ ପହଞ୍ଚିବ କି? ସତରେ କ\’ଣ ସୁନା ଦର ସେହି ସ୍ତରକୁ ପଳାଇବ ଯାହା ଦୁଇ ବର୍ଷ ତଳେ ଥିଲାୟ ୨୦୨୩ ମସିହାରେ ୧୦ ଗ୍ରାମ ସୁନାର ମୂଲ୍ୟ ଯାହା ଥିଲା ପୁଣି ଥରେ ସେୟା ହୋଇପାରେ ବୋଲି ସୂଚନା ରହିଛି । ଏକ ଆମେରିକୀୟ ବିଶ୍ଳେଷଣକାରୀ କମ୍ପାନୀ ଏହି ଆକଳନ କରିଛି । କିନ୍ତୁ ଏହା କାହିଁକି ହେବ? ଏହା କ\’ଣ ଇରାନ-ଆମେରିକା, ରୁଷ-ୟୁକ୍ରେନ ଯୁଦ୍ଧ, ବାଂଲାଦେଶରେ ବିଦ୍ରୋହ କିମ୍ବା ଇସ୍ରାଏଲ-ହମାସ ଯୁଦ୍ଧ ଯୋଗୁ ଶେଷ ହେବାକୁ ଯାଉଥିବା କାରଣରୁ ହେବ ବୋଲି ଆଶା କରାଯାଉଛି? ଆମେରିକୀୟ କମ୍ପାନୀ ମର୍ଣ୍ଣିଂଷ୍ଟାରର ବିଶ୍ଳେଷକମାନେ ପୂର୍ବାନୁମାନ କରିଛନ୍ତି ଯେ ଆଗାମୀ କିଛି ବର୍ଷ ମଧ୍ୟରେ ସୁନା ମୂଲ୍ୟ ୩୮% ହ୍ରାସ ପାଇପାରେ । ଭାରତରେ ଏବେ ୨୪ କ୍ୟାରେଟ୍ ସୁନାର ମୂଲ୍ୟ ପ୍ରତି ୧୦ ଗ୍ରାମ ପିଛା ପ୍ରାୟ ୯୦ ହଜାର ଟଙ୍କା ରହିଛି । ସେହି ସମୟରେ, ଆନ୍ତର୍ଜାତୀୟ ବଜାରରେ ଏହା ୩,୧୦୦ ଡଲାର ଉପରେ ଅଛି । ଯଦି ସୁନା ମୂଲ୍ୟ ୪୦% ହ୍ରାସ ପାଏ, ତେବେ ଭାରତରେ ଏହା ପ୍ରତି ୧୦ ଗ୍ରାମକୁ ପ୍ରାୟ ୫୫,୦୦୦ ଟଙ୍କାକୁ ହ୍ରାସ ପାଇପାରେ ।